గ్రీకులకు గురువు మనువు

ప్రపంచంలో మనువు-2

కేవల్ మోత్వాని 

అనుసరణ  : ఎం.వి.ఆర్ . శాస్త్రి

......

   ఆధునిక న్యాయానికి , సాంఘిక వ్యవస్థకు ఆద్యులెవరు ?

   ఈ ప్రశ్నకి చదువుకున్నవాళ్ళు ఎవరైనా చప్పున జవాబు చెపుతారు : గ్రీకులు , రోమన్లు అని.

    కానీ చాలామందికి తెలియనిది ఏమిటంటే ఆ గ్రీకులకు, రోమన్లకు గురువు ... మన మనువు!

    పాశ్చాత్య తత్వ శాస్త్రానికి మూలపురుషులైన  సోక్రటిస్ , ప్లేటో లమీద మనువు ప్రభావం విశేషంగా ఉంది. మనుధర్మ శాస్త్రం ఈజిప్టు  , క్రేట్ ల ద్వారా ప్రాచీన గ్రీస్  లో ప్రవేశించింది .  మనువుని గ్రీకులు Mens, Manes , Menes అని వ్యవహరించేవారు .క్రీ.పూ. 7 వ శతాబ్దంలో స్పార్టా , ఏథెన్స్ ల నుంచి క్రేట్ కు  వెళ్ళిన లైకర్గస్ ,సోలోన్ అనే ఇద్దరు గ్రీకు ప్రముఖులకు Mina లేక  Manos అనబడే మనువు ధర్మసూత్రాలు పరిచయమయ్యాయి.వారు పట్టుకు వచ్చిన  మనుధర్మ శాస్త్రాన్ని ఆసరా చేసుకుని గ్రీకు స్థానికులు సొంతంగా శాసనాలను రాయసాగారు. Code of Zalencus ( 660 B.C. ) , Code of Charondas ( 610 B.C.) అలా వచ్చినవే. రెండు శతాబ్దాల తరవాత రోమన్లూ ఈ మాదిరిగానే  Twelve Tables  లాంటివి రాశారు.

  లైకర్గస్ , సోలోన్లు తీసుకు వచ్చింది కేవలం న్యాయ సంహితే కాదు . గ్రీకుల జీవితాన్ని  , వారి ఆలోచనను మౌలికంగా మార్చిన జీవన విధానమది. గుణగణాలను బట్టి మనుషులని నాలుగు తరగతులుగా విభజించటం అనేది గ్రీసుకు  మనువునుంచే వచ్చింది. సర్  విలియం రామ్ సే,  డాక్టర్ ఇ. జె. ఉర్విక్ అనే ఇద్దరు ప్రఖ్యాత బ్రిటిష్ విద్వాంసులు గ్రీసు మీద మనువు ప్రభావాన్ని విశేషంగా అధ్యయనం చేశారు.  సర్ విలియం చారిత్రక కోణం నుంచీ , ఉర్విక్ తాత్విక కోణం నుంచీ దీన్ని  పరిశోధించారు. లండన్ యూనివర్సిటీ లో ఈ అంశం మీద చాలా ఏళ్ళు బోధించిన ఉర్విక్ - గ్రీకు తత్త్వవేత్త ప్లేటో " రిపబ్లిక్ "ను మనువు సాంఘిక దృక్పథం నుంచి విశ్లేషిస్తూ రాసిన తన సుప్రసిద్ధ గ్రంథం లో ఇలా అన్నాడు :

   It will need a separate volume to show how the Indian thought may have filtered through Socrates and Plato . In order to understand Plato fully ,one must be familiar with the philosophical and social thought of Manu .Just as Manu of ancient India instituted the Caste System upon the basis of three principles in individual soul , so Plato divides his State into three Classes representing the three psychic elements. The lowest caste of Producres corresponding to the Vaisya Caste , reflects the element of ignorant desire , epithumia . The next above this , Auxiliaries , corresponding to the Kshatriya Class , reflects the passionate element, thumos   .. The Guardians corresponds to the Brahmin Caste, represents the principle of prudent reason , the logistikon 

[ The Message Of Plato , E.J.Urvick ,PP.28-29 ]

( సోక్రటిస్ , ప్లేటో ల ద్వారా భారతీయ చింతన ఎలా ప్రసరించింది అన్నది వివరించాలంటే పెద్ద గ్రంథమవుతుంది.  ప్లేటో ను పూర్తిగా అర్థం చేసుకోవాలంటే మనువు తాత్విక, సామాజిక ఆలోచన మనకు తెలియాలి . ప్రాచీన కాలంలో భారతదేశంలో  మనువు   వ్యక్తిగత గుణగణాలను బట్టి వర్ణ వ్యవస్థ ను స్థాపించినట్టు , ప్లేటో తన రాజ్యాన్ని  మానసిక గుణాలను బట్టి మూడు తరగతులుగా వర్గీకరిస్తాడు. ఉత్పత్తిదారులు, వర్తకులకు చెందిన వైశ్య వర్ణం Producers తరగతికీ  ,Auxililiaries క్షత్రియ వర్ణానికీ , Guardians బ్రాహ్మణ వర్ణానికీ సరిపోలుతాయి.   )

   క్రీ.పూ. 2000 ప్రాంతం లో డాన్యూబ్ బేసిన్ నుంచి ఇటలీ కి మొట్టమొదట  వలసవెళ్ళిన వారు ఆర్యులు . క్రీ.పూ. 6 వ శతాబ్దం వచ్చేసరికి  ఆ దేశం పూర్తిగా ఆర్య ప్రభావం లోకి వచ్చింది. మధ్యధరా సముద్రం పై తిరుగులేని పట్టు సాధించిన రోమ్ మీద వాణిజ్య , సాంస్కృతిక  సంబంధాల ద్వారా ఇండియా వంటి ప్రాచ్య దేశాల నాగరికత ప్రభావం బాగా పడింది. పర్షియన్ సైనికుల ద్వారా ఇటలీ లో ప్రవేశించిన 'మిత్రార్చన' పూజావిధానం లో వైవస్వతమనువు ప్రస్తావన ఉంటుంది. గ్రీసు, ఈజిప్ట్ దేశాల నుంచి మనువు గురించిన ఎరుక ఇటలీ కి కలిగింది. క్రీ.శ. 527- 63 లో రోమన్ సామ్రాజ్యాన్ని ఏలిన జస్టీనియన్ హయాంలో రోమన్ లా కి సంబంధించిన న్యాయసూత్రాలను క్రోడీకరించే పని చేపట్టిన సందర్భంలో మనుధర్మశాస్త్రం బాగా ఉపయోగపడింది.  అదీ ఎంత బాగా అన్నది జాకోలియట్ మాటల్లో వినండి :

   The Hindu laws were codified by Manu more than 3000 years before the Christian Era , copied by the whole antiquity and notably,by Rome, which alone has left us  a written law - The Code Of Justinian , which has been adopted as the basis of all modern legislation ....
   There are astonishing number of correspondences between Manu and Justinian Digest in regard to different phase of social life such as  marriage, paternal authority, adoption , property , the laws of contract, deposit,loan , sale , partnership , donations and testaments . These divisions have passed almost unaltered from the Hindu Law into the Roman Law and the French Law , and the greater part of their particular dispositions are still in vigour. 

[ Bible In India , L.A.Jacolliot , 1868, pp. 34-35 ] 

    ( క్రీస్తుకు 3000  సంవత్సరాల పూర్వం మనువు కూర్చిన హిందూ న్యాయ సంహితను ప్రాచీన సమాజం అనుసరించింది.  " జస్టీనియన్ కోడ్ " పేరిట  రోమ్  మనకు అందజేసిన లిఖిత న్యాయమే ఆధునిక శాసనాలన్నిటికీ ప్రాతిపదిక . పెళ్లి, తండ్రి అధికారం, దత్తత , ఆస్తి , కాంట్రాక్టులు , డిపాజిట్లు, అప్పులు, అమ్మకాలు , భాగస్వామ్యాలు, విరాళాలు , వీలునామాలు వంటి సమాజజీవనానికి సంబంధించిన అనేక అంశాలలో మనువుకూ ,  జస్టీనియన్ డైజెస్టు కూ ఆశ్చర్యం కలిగించే పోలికలు ఎన్నో ఉన్నాయి. హిందూ లా లోని ఈ  సూత్రాలే ఏ మాత్రం మార్పు లేకుండా రోమన్ లా లోనూ , ఫ్రెంచి లా లోనూ చేరాయి వాటిలో హెచ్చు భాగం నేటికీ అమలులో ఉన్నాయి . )

    పై అంశాలకు సంబంధించి మనువు చెప్పిన దానినీ , జస్టీనియన్ కోడ్ లో ఉన్న నిబంధనలనూ  పక్క పక్కన పెట్టి బేరీజు వేసి మనుధర్మ శాస్త్రానికి రోమన్ లా ఎంత రుణపడి ఉందొ జాకోలియట్ నిరూపిస్తాడు.  జస్టీనియన్ కోడ్ ఆధారంగా తయారయిందని అందరూ అనుకునే ఫ్రెంచి సివిల్ కోడ్ లో కూడా జామీను, వేతనాలు, తనఖా ,కవులు, లీజు, అద్దె, ఆస్తి హామీ వంటి అంశాలపై హిందూ లా చెప్పేదానినే యథాతథంగా అనుసరించినట్టు రుజువుచేస్తాడు .

కాబట్టి - ఆధునిక శాసనాలకు మాతృక జస్టీనియన్ కోడ్  కాదు ! ముమ్మాటికీ  మనుధర్మ శాస్త్రమే !

ఇంకా ఉంది